पोखरा । पोखरामा लागूऔषध सहित एकजना पक्राउ परेका छन् । भाद्र १५ गते राती ९ बजेको समयमा वडा प्रहरी कार्यालय रामबजार कास्कीबाट खटिएको प्रहरी टोलीले उनलाई पक्राउ गरेको हो ।
यसरी पक्राउ पर्नेमा पोखरा महानगरपालिका वडा नं.१० इन्द्रमार्ग बस्ने वर्ष २९ को अनिश गुरुङ रहेको जिल्ला प्रहरी कार्यालय कास्कीले जनाएको छ ।
उनीबाट घरकोठामा लुकाई छिपाई राखेको लागूऔषध डाइजापाम २३ एम्पुल, फेनेरागन ४१ एम्पुल, नुर्फिन ३३ एम्पुल र ब्रुफिन २२ एम्पुल गरी जम्मा ११९ एम्पुल, नाईट्रोभ्याट३० चक्की, लागू औषध गाँजा जस्तो देखिने पदार्थ ९७० ग्राम र डिजिटल तराजु १ थान समेत बरामद भएको छ ।
पक्राउ परेका गुरुङलाई कास्की जिल्ला अदालतबाट लागूऔषध सम्बन्धी मुद्दामा पहिलोपटक पन्ध्र दिन म्याद थप गरी अनुसन्धान प्रकृया अगाडि बढाइएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
