पोखरा । राष्ट्रिय युवा सङ्घ नेपाल गण्डकी प्रदेशले शनिबार पोखरामा युवा भेला तथा प्रशिक्षण कार्यक्रम गर्ने भएको छ ।
कार्यक्रम पोखरा उद्योग वाणिज्य सङ्घको सभाहल गैह्रापाटन पोखरामा बिहान ११ बजेबाट सुरु हुनेछ । युवा भेला तथा प्रशिक्षण कार्यक्रमलाई नेकपा एमालेका महासचिव शङ्कर पोखरेल सम्बोधन गर्नेछन् ।
एमाले महासचिव पोखरेलको प्रमुख आतिथ्यतामा हुने भेला तथा प्रशिक्षण कार्यक्रम भव्य बनाउन तयारी अन्तिम चरणमा पुगेको आयोजकले जनाएका छन् ।
कार्यक्रमको तयारीका लागि युवा सङ्घ नेपाल गण्डकीको विशेष बैठक समेत पोखरामा हालै बसेको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
